Са спасылкай на наяўныя дакумэнты СЧБ сьцьвярджае, што кітайская кампанія павінна была паставіць электравозы ў канцы 2023 года, цяпер жа тэрміны перанесеныя на 2025–2026 гады, піша «Позірк».
Заяўляецца, што санкцыйныя рызыкі заключаюцца ў наяўнасьці ў цягніках абсталяваньня заходняй вытворчасьці.
«Да такога абсталяваньня адносяцца сілавыя трансфарматары, цягавыя электрарухавікі і пераўтваральнікі, а таксама амаль усе сыстэмы кіраваньня, дыягностыкі і маніторынгу», – гаворыцца ў паведамленьні.
Адзначаецца, што згаданыя вузлы CRRC Datong Co., Ltd закупляе ў Францыі, Канадзе, Швэцыі, Швайцарыі, Нямеччыне, ЗША.
Цяпер кітайскі вытворца пры ўдзеле Міністэрства камэрцыі КНР разглядае варыянты абыходу санкцый, не адмаўляючыся ад зьдзелкі з Беларускай чыгункай.
Паводле зьвестак СЧБ, для рэалізацыі кантракту кітайскі бок выдзеліў беларускай крэдыт.
СЧБ дапускае, што схема абыходу санкцый будзе распрацаваная і кітайскія электравозы даставяць у Беларусь, але гэта можа істотна павялічыць «кошт выніковага прадукту».
Форум