На вайсковым палігоне Лібава, які знаходзіцца на тэрыторыі Аламоўцкага краю, 17 чэрвеня выбухнуў нявызначаны боепрыпас, паведаміла чэская тэлевізія.
На месцы здарэньня ёсьць пацярпелыя, умяшаўся выратавальны верталёт, паведаміла чэская армія ў сетцы X. Інцыдэнтам займаецца вайсковая паліцыя. Ні прэс-сакратар вайсковай паліцыі Кацярына Млынкова, ні прэс-сакратар Чэскай арміі Магдалена Дворжакава не назвалі колькасьці параненых.
«Мы маем справу з сур’ёзнай аварыяй на вайсковым палігоне Лібава, дзе выбухнулі неўстаноўленыя боепрыпасы. На жаль, на месцы здарэньня ёсьць пацярпелыя. Стараемся аказаць дапамогу як мага хутчэй, умешваецца выратавальны верталёт. Інцыдэнтам займаецца вайсковая паліцыя», — паведамілі ў арміі ў сетцы X.
У камэнтары выданьню Novynki.cz прэс-сакратар Ўнівэрсытэцкай бальніцы Аламоўца Адам Фрычэр заявіў, што восем пацярпелых былі шпіталізаваны ў бальніцы горада, а аднаму параненаму дапамогу надаюць на месцы.
Паводле інфармацыі «Чэскага радыё», на палігоне ў Лібаве праходзілі стралковую, мэдыцынскую і тактычную падрыхтоўку ўкраінскія вайскоўцы.
Форум