Журналіста Ігара Карнея па этапе адправілі з Менскага СІЗА-1, што на вуліцы Валадарскага, у Магілёўскае СІЗА.
Пра гэта паведаміла сваячка палітвязьня. На «Валадарцы» Ігар Карней прабыў больш за 8 месяцаў. Таксама сваячка журналіста пацьвердзіла, што раней ён абскардзіў вынесены яму прысуд.
«Ігара сёньня этапуюць у Магілёў, там будзе ўвесь час падчас апэляцыі. Настрой нармальны, учора быў адвакат. Сёньня яшчэ пасьпелі перадаць невялікую перадачу», — паведаміла сваячка Ігара Карнея.
22 сакавіка Менскі гарадзкі суд прызнаў Ігара Карнея вінаватым паводле ч. 3 арт. 361-1 КК («Удзел у экстрэмісцкім фармаваньні») і прысудзіў 3 гады зьняволеньня і штрафу ў 20 тысяч рублёў.
Беларускія праваабаронцы прызналі Ігара Карнея палітычным зьняволеным.
