У пералік уключылі тэлеграм-канал асацыяцыі, суполку ў Facebook і профіль у Instagram, старонку асацыяцыі на сэрвісе PayPal, электронную пошту і сайт.
Агульнанацыянальная арганізацыя «ABA Together (Association of Belarusians in America)» аб’ядноўвае беларусаў ЗША.
Раней старонкі некаторых беларускіх дыяспараў у сацыяльных сетках і тэлеграм-чаты дыяспараў былі прызнаныя ў Беларусі «экстрэмісцкімі матэрыяламі».
У Беларусі абвінавачаньні ў «экстрэмізьме» выкарыстоўваюць для барацьбы з апанэнтамі рэжыму Лукашэнкі. Агулам сілавікі прызналі «экстрэмісцкімі фармаваньнямі» ўжо 191 аб'яднаньне беларусаў.