Ён таксама заклікаў Палату прадстаўнікоў разблякіраваць законапраект аб падтрымцы Ўкраіны, Ізраіля і Тайваня, паведамляе прэс-служба Белага дома.
Амэрыканскі прэзыдэнт «ясна заявіў», што Кангрэс яшчэ не завяршыў сваю працу.
«Палата прадстаўнікоў павінна прыняць двухпартыйнае заканадаўства аб дадатковым фінансаваньні», — сказаў Байдэн, маючы на ўвазе законапраект аб фінансаваньні дапамогі Ўкраіне, Ізраілю і Тайваню, супраць якога выступаюць рэспубліканцы.
Прэзыдэнт ЗША адзначыў, што падпісаны 23 сакавіка закон аб бюджэце, які дазволіў пазьбегнуць шатдаўну, — гэта «зьдзелка, кампраміс, які азначае, што ні адзін з бакоў не атрымаў усяго, што хацеў».
Сэнат ЗША на начным пасяджэньні 13 лютага падтрымаў законапраект, які прадугледжвае дапамогу Ўкраіне, Ізраілю і Тайваню ў памеры 95 мільярдаў даляраў, 60 мільярдаў з якіх прызначана Кіеву.
