Паводле яго слоў, на фінансаваньне тэлерадыёвяшчальнай арганізацыі закладзена 448 млн, газэты «Союзное вече» — 263 млн, газэты «Союз. Беларусь — Россия» — 209 млн, на выданьне і распаўсюд часопіса «Союзное государство» — 67 млн расейскіх рублёў. Агулам — 1 млрд расейскіх рублёў (11 млн даляраў ЗША).
Калектыў холдынгу яшчэ не сфармаваны, зазначыў ён, але там будуць працаваць «дасьведчаныя і таленавітыя людзі».
«З улікам інфляцыйнага каэфіцыента сродкі, якія раней накіроўваліся на фінансаваньне інфармацыйных рэсурсаў Саюзнай дзяржавы, будуць павялічаныя. Цягам працы мы вызначымся: альбо мэдыякампанія будзе сама зарабляць больш, маючы на ўвазе рэклямны рынак, альбо па аналізе першага этапу працы вызначымся, ці неабходна будзе дадатковае фінансаваньне», — сказаў ён.
Таксама Мезенцаў расказаў пра рэсурсны цэнтар, які ўвойдзе ў аб’яднаньне. Ён будзе фармаваць аб’ём кантэнту, які пасьля будзе перадавацца і распаўсюджвацца праз электронныя сродкі інфармацыі. Асноўны офіс будзе ў Маскве, а прадстаўніцтва — у Менску.
Раней паведамлялася, што мэдыяаб’яднаньне павінна пачаць працу да пачатку 2025 году. Пастанову найвышэйшага дзяржсавету «саюзнай дзяржавы» аб яго стварэньні падпісалі ў студзені 2024 году.
