Пра гэта паведамляе BBC са спасылкай на Букінгемскі палац.
На час лячэньня манарх працягне выконваць цырыманіяльныя абавязкі, але ўстрымаецца ад публічных мерапрыемстваў.
Як сказана ў заяве палаца, кароль «застаецца настроеным пазытыўна што да свайго лячэньня і зь нецярплівасьцю чакае вяртаньня да ўсіх сваіх публічных абавязкаў у поўным аб’ёме».
Прадстаўнік караля не раскрыў тып раку, на які той хворы, але падкрэсьліў, што гэта ня рак прастаты.
На мінулым тыдні кароль выпісаўся са шпіталя пасьля хірургічнай апэрацыі ў сувязі з павялічанай прастатай. У палацы гэтую паталёгію называлі бясьпечнай.
