Прычынамі такога кроку называюцца грубыя парушэньні ліцэнзійных патрабаваньняў і ўмоў у частцы адсутнасьці дамоваў на тэхнічнае абслугоўваньне мэдычнай тэхнікі, невыкананьне зацьверджаных Міністэрствам аховы здароўя клінічных пратаколаў дыягностыкі і лячэньня, а таксама парушэньні ў правядзеньні мэдаглядаў, экспэртызе часовай непрацаздольнасьці, аказаньні неадкладнай мэддапамогі.
Акрамя таго, кампаніі ставяцца ў віну неналежнае захоўваньне лекавых сродкаў, парушэньне санітарна-эпідэміялягічных патрабаваньняў, санітарных нормаў, правілаў і гігіенічных нарматываў і недакладнасьць прадстаўленых у Міністэрства аховы здароўя зьвестак, неабходных для прыняцьця рашэньня аб прадастаўленьні ліцэнзіі.
Мэдычны цэнтар «Унукі Гіпакрата» працуе ў Менску.
- У 2022 годзе ведамства актыўна правярала прыватныя мэдцэнтры ў Беларусі.
- Прыпынялася праца ня менш як дзевяці зь іх: «Кравіра», «Доктар Нэма», «ПлеядаМед», «Тры Дантысты Плюс», Dental Clinic, «Нардын», «ЛОДЭ», «Клініка А1», а таксама «Клініка „Мэрсі“», будаўніцтва якой фінансавалася з удзелам Сусьветнага банку.
- Большасьць мэдцэнтраў аднавілі аказаньне паслуг.
