Беларуска Арына Сабаленка ўзначаліць рэйтынг жаночай тэніснай асацыяцыі (WTA) па выніках US Open, аднаго з найпрэстыжнейшых тэнісных турніраў сьвету.
Полька Іга Сьвёнтэк выбыла ў 1/8 фіналу і ня здолела абараніць леташняга тытулу. Сьвёнтэк пратрымалася на першым радку сусьветнага рэйтынгу 75 тыдняў.
Сабаленка стане другой беларускай тэнісісткай, якой удалося ўзначаліць рэйтынг. У 2012 годзе адзіночны рэйтынг узначальвала Вікторыя Азаранка. Яна была нумарам адзін 51 тыдзень.
Сабаленка стане 29-й першай ракеткай сьвету ў гісторыі.
Акрамя таго, яна будзе 8-й у гісторыі сярод тых, хто здолеў узначаліць рэйтынг і адзіночнага, і парнага разраду.
