Экспэрты амэрыканскага Інстытуту вывучэньня вайны (ISW) заявілі пра рост колькасьці вайсковай тэхнікі расейскай прыватнай вайсковай кампаніі «Вагнэр» у Беларусі.
«Спадарожнікавыя здымкі, сабраныя 9 жніўня, паказваюць значную колькасьць транспартных сродкаў у лягеры „Вагнэра“ ў Цэлі пад Асіповічамі ў Беларусі і могуць нават сьведчыць, што з 1 па 9 жніўня на базу прыбыло больш транспартных сродкаў», — адзначаецца ў справаздачы ISW ад 10 жніўня.
Напярэдадні экспэрты Інстытуту вывучэньня вайны выказалі думку, што вяртаньне вагнэраўцаў у Расею будуць сьведчыць, што дамоўленасьці, дасягнутыя пасьля няўдалага мяцяжу паміж Яўгеніем Прыгожыным, прэзыдэнтам Расеі Ўладзімірам Пуціным і Аляксандрам Лукашэнкам, праваліліся.
