Да гэтага Купрыянюк займаў пасаду начальніка штабу — першага намесьніка камандуючага Заходнiм апэратыўным камандаваньнем. Ён знаходзіцца пад санкцыямі Ўкраіны, Эўразьвязу, Вялікай Брытаніі, Швайцарыі, Канады і Новай Зэляндыі.
Паведамляецца, што ранейшы кіраўнік вайсковай выведкі генэрал-маёр Руслан Касыгін звольнены ў запас па ўзросьце з правам нашэньня формы і знакаў адрозьненьня.
Касыгін узначаліў вайсковую выведку Беларусі ў ліпені 2020 году, 28 ліпеня яму споўнілася 55 гадоў. Ён родам зь Ялты (Крым). Вучыўся ў Чалябінскай танкавай каманднай вучэльні. З 2014 году ён адкрыта падтрымліваў агрэсію Расеі супраць Украіны.
- Беларускае заканадаўства ўсталёўвае 55-гадовы ўзрост як максымальны ўзрост службы для генэрал-маёраў і генэрал-лейтэнантаў. Але дазваляецца працягваць тэрмін іх службы два разы па пяць гадоў. Такое рашэньне прымае кіраўнікі дзяржавы. Касыгіну тэрмін службы, аднак, працягнуты ня быў.
Замест Купрыянюка начальнікам штабу — першым намесьнiкам камандуючага Заходнiм апэратыўным камандаваньнем прызначаны палкоўнік Аляксандр Лаўрэнаў.
Указам Лукашэнкі начальнікам галоўнай ваеннай інспэкцыі Узброеных сілаў стаў генэрал-маёр Андрэй Гарбаценка, які да нядаўняга часу кіраваў Менскай сувораўскай вайсковай вучэльняй.
На чале ваеннай інспэкцыі Гарбаценка зьмяніў генэрал-маёра Івана Багуслаўскага, звольненага ў запас па ўзросьце з правам нашэньня форменнай вопраткі і знакаў адрозьненьня.
Начальнікам сувораўскай вучэльні прызначаны палкоўнік Дзьмітрый Кучук.
