Таксама паведамляецца, што за вышэйзгаданы пэрыяд гэтая балтыйская дзяржава анулявала 160 дазволаў на сталае пражываньне для беларусаў і расейцаў.
Па зьвестках Дэпартамэнту міграцыі Міністэрства ўнутраных спраў Літвы, дазвол на часовае пражываньне іншаземца, «як правіла, анулюецца ў сувязі са скасаваньнем працоўнай дамовы ці адсутнасьцю працоўнай дамовы», калі дазвол на часовае пражываньне выдаецца на падставе працы, а таксама калі «знаходжаньне іншаземца ў Літве нясе пагрозу дзяржаўнай бясьпецы або грамадзкаму парадку».
Усяго па часовы дазвол на жыхарства ў Літве з 24 лютага 2022 году па 14 ліпеня гэтага году зьвярнуліся 55 938 грамадзян Беларусі і Расеі. 38 чалавек зьвярнуліся па атрыманьне пастаяннага дазволу на жыхарства.
6 ліпеня кіраўніца Дэпартамэнту міграцыі Эвэліна Гудзінскайце паведаміла, што з 24 лютага 2022 году беларускія грамадзяне атрымалі каля 60 тысяч дазволаў на жыхарства і візаў. Грамадзянам Расеі выдалі да 8 тысяч дазволаў на жыхарства і візаў.
