У Курганскай вобласьці загінулі шэсьць чалавек, яшчэ 14 пацярпелі. Губэрнатар рэгіёну Вадзім Шумкоў заклікаў людзей эвакуавацца, калі ўзьнікне пагроза.
У Цюменскай вобласьці пры тушэньні пажару загінуў 49-гадовы мясцовы жыхар, траўмы атрымалі яшчэ два чалавекі. У вобласьці ўвялі рэжым надзвычайнай сытуацыі і аб’явілі эвакуацыю жыхароў некалькіх населеных пунктаў. Ад агню гінуць і жывёлы.
Таксама буйныя лясныя пажары зафіксаваны ў Омскай, Чалябінскай, Амурскай абласьцях, у Хабараўскам краі і ў Яўрэйскай аўтаномнай вобласьці. Ва ўсіх гэтых рэгіёнах увялі рэжым надзвычайнай сытуацыі — на месцах або на ўсёй тэрыторыі.
Паводле зьвестак Авіялесаховы, да раніцы 8 траўня ў Расеі зафіксавалі 154 лясныя пажары.
Улады рэгіёнаў і «Грынпіс» абвінавачваюць у стыхійным бедзтве людзей: пажары ўзьнікаюць ад спальваньня травы і непатушаных вогнішчаў.
