Праваабаронцы «Вясны» атрымалі інфармацыю, што ўжо як мінімум месяц у СІЗА Жодзіна знаходзіцца вядомы беларускі паэт, музыка і шоўмэн Мікіта Найдзёнаў. Папярэдне, яму інкрымінаваны «народны» артыкул 342 Крымінальнага кодэксу Беларусі — за ўдзел у пасьлявыбарных пратэстах.
Мікіта Найдзёнаў — былы фронтмэн гурту Hurma, аўтар шэрагу песень для розных сьпевакоў. У 2015-м стаў уладальнікам прэміі «Залаты апостраф» у намінацыі «Дэбют» за найлепшую публікацыю вершаў у часопісе «Дзеяслоў».
Сілавікі паклалі беларуса тварам у асфальт за цацку са сьцяжком Украіны ў ягоным аўтамабілі
У Беларусі затрымалі кіроўцу, які паставіў на прыборную панэль свайго аўтамабіля цацку зь мініятурным сьцягам Украіны і гербам «Пагоня». Пра гэта паведамле Zerkalo з спаслыкай на апублікаванае відэа з аўтаўладальнікам на тэлеграм-канале сілавікоў.
У роліку відаць, як сілавікі паклалі кіроўцу «тварам у асфальт» і зашпілілі за сьпінай кайданкі. У «пакаянным» відэа мужчына, сьціскаючы ў руцэ тую самую цацку з прыборнай панэлі, расказаў аб прычынах свайго затрыманьня.
