Больш за чвэрць гэтай сумы будзе выдзелена сёлета. Пра гэта прадстаўнік камітэту паведаміў агенцтву AFP.
Сродкі будуць накіроўвацца на прамыя пастаўкі ўзбраеньня Ўкраіне або на закупы зброі для бундэсвэра ў парадку папаўненьня яго запасаў. За мінулы год арсэнал нямецкай арміі істотна скараціўся ў выніку перадачы Ўкраіне розных відаў цяжкай зброі.
На бягучы год бюджэтны камітэт Бундэстагу ўхваліў выдзяленьне 3,24 мільярда эўра для не заплянаваных раней абаронных выдаткаў. У наступныя гады, аж да 2032 году, павінны быць выдзеленыя агулам яшчэ 8,82 мільярда эўра.
З пачатку поўнамаштабнай вайны Расеі супраць Ўкраіны з плянавага бюджэту Нямеччыны было выдзелена тры мільярды эўра для ваеннай дапамогі Ўкраіне. У 2022 годзе Нямеччына патраціла больш за 14 мільярдаў эўра на прамыя пастаўкі і дадаткова 18 мільярдаў эўра ў рамках ініцыятывы ЭЗ, — інфармацыя пра гэта даступная на сайце ўраду Нямеччыны.
