Галоўны рэдактар «Рэгіянальнай газеты» ня выйшаў на волю пасьля 72 гадзін арышту

Ён ня выйшаў на волю пасьля 72 гадзінаў з моманту затрыманьня. Пра гэта паведаміла ў Фэйсбуку ягоная дачка Наста Манцэвіч.

«Што канкрэтна яму прад’яўляюць, невядома. Перадачу сёньня ўзялі», — напісала яна.

Раніцай 15 сакавіка адбыўся вобшук у доме галоўнага рэдактара «Рэгіянальнай газэты» Аляксандра Манцэвіча ў Вілейцы (Менская вобласьць). Зь ім і ягонай жонкай Нінай Манцэвіч зьнікла сувязь. Пасьля стала вядома, што Магцэвіч знаходзіцца ў ізалятары часовага ўтрыманьня.

ГЛЯДЗІЦЕ ТАКСАМА:

Трое затрыманых супрацоўнікаў газэты «Інфа-Кур’ер» ня выйшлі на волю, сувязь з рэдактарам «Рэгіянальнай газэты» страчаная

• «Рэгіянальная газэта» — вядучае недзяржаўнае грамадзка-палітычнае выданьне Маладзечна і рэгіёна, якое выходзіла з 1996 года.
• 20 студзеня суд Маладзечанскага раёна прызнаў «экстрэмісцкімі матэрыяламі» кантэнт сайта і старонак «Рэгіянальнай газеты» у сацыяльных сетках.
• 15 сакавіка таксама прайшоў ператрус у рэдакцыі слуцкага выданьня «Інфа-Кур’ер», усіх прысутных пры ім змусілі даць падпіску аб неразгалошваньні. Затрымалі галоўнага рэдактара Сяргея Станкевіча, а таксама Глеба Рулёва і Алега Рубчэню. 17 сакавіка Сяргея Станкевіча і Алега Рубчэню асудзілі на 15 дзён арышту кожнага за нібыта непадпарадкаваньне пры затрыманьні.

ГЛЯДЗІЦЕ ТАКСАМА:

Кіраўнікоў слуцкага «Інфа-Кур’ера» асудзілі на 15 сутак, але газэта зноў выйшла