Па дадзеных агенцтва, у Латвіі доля расейскага газу перавысіла 90% ад імпарту, а сукупныя продажы звадкаванага газу ў Латвію, Літву і Эстонію вырасьлі са 159 тысяч тон у 2021 годзе да 331 тысяч тон у 2022-м.
Латвія і Літва паставілі Ўкраіне каля 15 тысяч тон вуглевадароднага газу толькі ў сьнежні – 15% ад агульнага аб'ёму імпарту звадкаванага газу Ўкраіны ў гэтым месяцы.
Прычына, па якой Кіеў купляе меркавана расейскае паліва ў краін Балтыі – розьніца ў кошце ў 150-200 даляраў за тону ў параўнаньні з коштамі, якія прапануюць Польшча і Румынія, сказаў Reuters адзін з трэйдараў.
Міністэрствы энэргетыкі Літвы, Латвіі і Эстоніі не сталі камэнтаваць гэтую інфармацыю агенцтву.
Звадкаваны вуглевадародны газ (які не варта блытаць са звадкаваным прыродным газам) у асноўным выкарыстоўваецца ў якасьці паліва для аўтамабіляў, апалы і вытворчасьці нафтахімічных прадуктаў. Яго экспарт з Расеі не знаходзіцца пад санкцыямі.
Reuters нагадвае, што Латвія, Літва і Эстонія актыўна падтрымліваюць санкцыі супраць Расеі з-за яе нападу на Ўкраіну, а таксама ўзмацнілі жорсткасьць візавага рэжыму для расейцаў. Балтыйскія краіны разам з Польшчай патрабавалі ўсталяваць столь коштаў на расейскую нафту на ўзроўні 30 даляраў за барэль – значна ніжэй за рынкавую цану на нафту і ўдвая ніжэй за прыняты ўзровень у выніку ўзроўню.
- Краіны G7, Эўразьвяз і Аўстралія ўстанавілі столь цэн для расейскай нафты ў 60 даляраў за барэль, каб скараціць даходы Масквы, якія дапамагаюць ёй працягваць вайну з Украінай, і ў той жа час не дапусьціць спыненьня паставак і скачка сусьветных цэн на нафту. ЗША і Эўразьвяз таксама адмовіліся ад закупак расейскай танкернай нафты.
- У адказ на гэта прэзыдэнт Расеі Уладзімір Пуцін забараніў продаж расейскай нафты і нафтапрадуктаў краінам, якія пагадзіліся са стольлю коштаў.
