Рэзалюцыю падтрымалі 94 са 193 чальцоў асамблеі. Сярод тых, хто прагаласаваў супраць, Беларусь, Куба, Іран і Зімбабвэ (усяго 14 краінаў). Устрымаліся 73 чальцы асамблеі.
Такім чынам Генасамблея ААН прызнала, што Расея парушыла міжнароднае права, пачаўшы вайну супраць Украіны, і павінная «несьці прававыя наступствы, у тым ліку пакрыцьцё шкоды». У рэзалюцыі прапануецца стварыць адмысловы міжнародны мэханізм уліку і кампэнсацыі шкоды, якую панесла і панясе Ўкраіна ў выніку вайны.
Рэзалюцыі Генасамблеі ААН, у адрозьненьні ад рэзалюцыяў Рады бясьпекі ААН, не абавязковыя да выкананьня. Яны маюць толькі палітычнае значэньне. Расея мае права вета ў Радзе Бясьпекі ААН і блякуе любыя накіраваныя супраць яе дакумэнты.
