Падазраваных шукаюць, аб’яўлены плян «Перахоп». Інфармацыю пацьвердзіла адміністрацыя Курскай вобласьці.
Раней стала вядома, што Расгвардыя атрымала інфармацыю аб двух узброеных мужчынах, заўважаных недалёка ад горада Суджы. Baza называе іх «украінскімі дывэрсантамі». Падчас пошукаў іх знайшлі ў лесе, завязаўся бой. Адзін расгвардзеец быў паранены. Нападнікі ўцяклі.
Паводле інфармацыі тэлеграм-канала Mash, сутыкненьне «магчымых украінскіх дывэрсантаў» з супрацоўнікамі Расгвардыі адбылося на блёкпосьце ля абʼязной дарогі. Расгвардзейцы паспрабавалі спыніць падазроную «Газэль» — зь яе адкрылі агонь.
Раней у Курскай вобласьці працягнулі дзеяньне «жоўтага» ўзроўню тэрарыстычнай небясьпекі да 22 верасьня. Губэрнатар рэгіёну Раман Старавойт папрасіў жыхароў паведамляць аб падазроных грамадзянах, пакінутых прадметах і бесьпілётных лятальных апаратах.
