Працэс над Ірынай Слаўнікавай пройдзе ў Гомельскім абласным судзе і пачнецца а 10-й гадзіне, паведамляе «Белсат».
Ірыну Слаўнікаву разам з мужам Аляксандрам Лойкам затрымалі 30 кастрычніка 2021 году ў менскім аэрапорце, калі яны вярталіся з адпачынку. Сужэнцы адседзелі па 30 дзён адміністратыўнага арышту: першыя 15 — нібыта за «распаўсюд экстрэмісцкіх матэрыялаў», другія 15 — за «дробнае хуліганства».
Празь нейкі час стала вядома, што Ірына Слаўнікава зрабілася падазраванай па арт. 342 Крымінальнага кодэксу («Арганізацыя і падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх»). А напрыканцы красавіка 2022 году бацька Ірыны Аляксандар Слаўнікаў даведаўся, што ягонай дачцэ выставілі новае абвінавачаньне — «стварэньне экстрэмісцкага фармаваньня».
На пачатку чэрвеня Ірыну зь менскага СІЗА на Валадарскага перавялі ў гомельскае СІЗА-3.
Дату суду над іншай журналісткай — Кацярынай Андрэевай, якая таксама цяпер у гомельскім СІЗА, яшчэ не прызначылі.
