У дакумэнтах Сыноду гаворыцца, што гэта зроблена ў адказ на зварот крымскіх япіскапаў для «захаваньня дзейснай сувязі з цэнтральнай царкоўнай уладай» і ў сувязі зь немагчымасьцю іх рэгулярных зносін з Украінскай праваслаўнай царквой.
Япіскапы Ўкраінскай праваслаўнай царквы ў Крыме зьвярнуліся з просьбай прыняць іх у патрыярхат пасьля таго, як УПЦ заявіла аб незалежнасьці ад РПЦ. З пункту гледжаньня Масквы, Украінская царква ўваходзіць у РПЦ на правах самакіраваньня.
На чале Крымскай мітраполіі паставілі 83-гадовага мітрапаліта Лазара (Швяца). Ён нарадзіўся на Валыні, пасьвечаны ў сьвятары і япіскапы ў Кіеве, узначальваў парафіі ў Паўднёвай Амэрыцы, Цярнопальскай вобласьці, Адэсе і Херсоне і ў Сімферопалі.
Крымскія прыходы УПЦ знаходзіліся ў фармальным падпарадкаваньні Кіеву ўвесь час пасьля анэксіі паўвострава ў 2008 годзе. Лазар уваходзіць у склад Сыноду УПЦ, гэта па-ранейшаму пазначана на сайце царквы.
УПЦ перападпарадкаваньня крымскіх эпархій не камэнтавала.
