У вучэньнях DE22 у Польшчы, акрамя жаўнераў Польскага войска, бяруць удзел вайскоўцы з ЗША, Францыі, Швэцыі, Нямеччыны, Даніі і Вялікай Брытаніі, гаворыцца ў паведамленьні Міністэрства абароны Польшчы.
У ходзе вучэньняў будзе праверана здольнасьць салдат да ўзаемадзеяньня ў сумеснай баявой апэрацыі.
Падкрэсьліваецца, што DE22 і SR 22 адносяцца да сэрыі цыклічных абарончых вучэньняў — яны не накіраваныя супраць якой-небудзь краіны і не зьвязаныя зь бягучай геапалітычнай сытуацыяй у рэгіёне.
Працэс нацыянальнага і міжнароднага плянаваньня для іх пачаўся ў 2021 годзе.
Сумесныя вучэньні павышаюць бясьпеку ўсходняга флянгу і служаць для адпрацоўкі ў адпаведнасьці са стандартамі NATO парадку прымяненьня войскаў і іх адаптацыі да новых выклікаў сучаснага поля бою і стрымліваньня патэнцыйнага агрэсара.
У заяве Міністэрства абароны Польшчы адзначаецца, што DEFENDER-Europe 22 дэманструе непахісную прыхільнасьць ЗША і NATO, і зьяўляецца яскравым прыкладам калектыўных магчымасьцяў.
