Памежны пераход Стурскуг — адзіны паміж Нарвэгіяй і Расеяй — закрыты для перавозкі ўсіх тавараў, якія ўваходзяць у санкцыйны спіс ЭЗ, паведаміла грамадзкаму тэлеканалу NRK міністарка замежных спраў Анікен Гітфэльд.
Мяжа паміж дзьвюма краінамі будзе закрытая зь пятніцы, а расейскія караблі ня змогуць заходзіць у нарвэскія парты з 7 траўня.
Але расейскія рыбалоўныя судны, якія часта выгружаюць свой улоў у парты на поўначы Нарвэгіі, будуць вызваленыя ад санкцый, заявіла міністарка 29 красавіка.
У МЗС заявілі, што нарвэскі арктычны архіпэляг Шпіцбэрген, які дзейнічае ў рамках дагавору 1920-х гадоў, што дазваляе празь яго пашыраць доступ краінам-удзельніцам, таксама ня будзе падпадаць пад санкцыі.
Чалец NATO Нарвэгія не зьяўляецца чальцом Эўразьязу, але ўваходзіць у Шэнгенскую зону — зону 26 эўрапейскіх краін, якія афіцыйна адмянілі памежны кантроль паміж сваімі тэрыторыямі.
