Намесьнік кіраўніка Міністэрства лічбавага разьвіцьця Расеі Дзьмітрый Кім удакладніў, што Расея і Беларусь працягваюць сумесную працу, каб у найбліжэйшай будучыні скасаваць усе роўмінгавыя нацэнкі. Ягоныя словы цытуе ТАСС.
«Тады кошт уваходных і выходных званкоў пры перамяшчэньні паміж краінамі для грамадзян будзе роўны кошту званкоў унутры сваёй краіны», — падкрэсьліў Кім.
Праца па адмене роўмінгу ў Расеі і Беларусі доўжылася некалькі гадоў. Заявы аб гэтым гучалі прынамсі з 2013 году.
Рознагалосьсі паміж бакамі ўзьнікалі празь міжапэратарскія роўмінгавыя тарыфы і стаўкі інтэрканэкту (сума, якую апэратар плаціць другому за хвіліну размовы абанэнта па-за сваёй сеткай; у Беларусі яна складае 30 цэнтаў за хвіліну, у Расеі стаўка ўдвая ніжэйшая). На даручэньне прэзыдэнтаў Беларусі і Расеі адмену роўмінгу меркавалася зацьвердзіць у верасьні 2019 году.
