Такім чынам, ён ўступіў у сілу. Раней 4 сакавіка Дзяржаўная Дума Расеі прыняла гэты законапраект адразу ў трох чытаньнях.
Гэта папраўкі ў закон «Аб мерах узьдзеяньня (процідзеяньня) на недружалюбныя захады ЗША і іншых замежных дзяржвааў». Яны дадаюць у Крымінальны кодэкс новы артыкул. За паведамленьні аб дзейнасьці войска, якія суд прызнае «загадзя лжывымі», пагражае штраф або да 3 гадоў калёніі. Калі пры гэтым выкарыстоўваецца службовае становішча, ёсьць карысьлівыя матывы або «штучна ствараюцца доказы», то тэрмін пазбаўленьня волі — ад 5 да 10 гадоў. Калі ж фэйкі прывядуць да цяжкіх наступстваў — пакараньне да 15 гадоў.
Прадугледжана і пакараньне «за заклікі да перашкоды выкарыстаньню расейскіх войскаў для абароны інтарэсаў Расеі» або «за дыскрэдытацыю такога выкарыстаньня» — спачатку адміністрацыйная адказнасьць, а пры паўторы — крымінальная, да 3 гадоў калёніі.
Падобная адказнасьць прадугледжана і за заклікі да санкцыяў супраць Расеі.
У ноч на пятніцу ў Расеі былі заблякаваныя сайты некалькіх СМІ, у тым ліку Радыё Свабода, а таксама сацыяльныя сеткі Facebook і Twitter.
