У Горадні за антываенныя акцыі судзілі больш за 70 чалавек

Пра суды паведамляе «Белсат».

Такога ў горадзе не было з часу пратэстаў пасьля выбараў прэзыдэнта ў 2020 году.

Большаць затрыманых (каля 70 чалавек) трымалі ў горадзенскім СІЗА. Сярод іх — сталыя жанчыны.

Судзілі грамадзян 1 і 2 сакавіка паводле арт. 24.23 КаАП («парушэньне парадку арганізацыі або правядзеньня масавых мерапрыемстваў»).

ГЛЯДЗІЦЕ ТАКСАМА:

Пракурор патрабуе 1,5 года турмы журналісту Алегу Грузьдзіловічу. «Менсктранс» выставіў яму прэтэнзіі на 56 тысяч рублёў

Практычна ўсе гарадзенцы пакараныя штрафамі ў 50-70 базавых велічыняў.

Паводле «Белсату», 2 сакавіка судзілі тых, хто адмовіўся ці ня змог разблякаваць свой мабільны тэлефон падчас затрыманьня. Сілавікоў цікавілі падпіскі ў Telegram.