Як перадае карэспандэнт УНІАН, за прыняцьце адпаведнай пастановы прагаласаваў 331 з 369 народных дэпутатаў, зарэгістраваных у сэсійнай зале.
Размова ідзе пра пастанову аб звароце ВР да Арганізацыі Аб’яднаных Нацый, Эўрапейскай камісіі, Эўрапейскага парлямэнту, Парлямэнцкай асамблеі Рады Эўропы, Парлямэнцкай асамблеі АБСЭ, Парлямэнцкай асамблеі NATO, урадаў і парлямэнтаў замежных дзяржаў наконт непрызнаньня незалежнасьці незаконных утварэньняў на часова акупаваных раёнах.
У звароце адзначаецца, што Вярхоўная Рада рашуча асуджае любыя спробы Расейскай Фэдэрацыі прызнаць (легалізаваць) незалежнасьць незаконных утварэньняў, якія прадстаўляюць акупацыйную адміністрацыю РФ, створаную ёю на часова акупаваных тэрыторыях Данецкай і Луганскай абласьцей Украіны.
У сувязі з гэтым ВР зьвяртаецца да названых сусьветных арганізацыяў і заклікае пацьвердзіць тэрытарыяльную цэласнасьць Украіны і недатыкальнасьць яе ў міжнародна прызнаных межах; не прызнаваць любыя рашэньні Расеі, якія будуць тычыцца прызнаньня незалежнасьці незаконных утварэньняў на часова акупаваных тэрыторыях Данецкай і Луганскай абласьцей.
