Арганізацыя, якая выдавала тубаларскія слоўнікі, гутаркі і азбукі для дзяцей, а таксама асьвятляла праблемы, зь якімі сутыкаюцца іншыя малыя народы, дзейнічала з 2013 году.
Закон аб замежных агентах быў прыняты ў Расеі ў 2012 годзе. Ён дазваляе ўладам прызнаваць «замежным агентам» любую некамэрцыйную арганізацыю, якая атрымала нават мінімальную суму з-за мяжы і вядзе, з пункту гледжаньня ўладаў, палітычную дзейнасьць.
Крытэры, паводле якіх вызначаецца такая дзейнасьць, у законе дакладна ня вызначаны, што дазваляе ўладам перасьледаваць незалежныя СМІ, арганізацыі, якія працуюць у галіне асьветы, культуры, аховы здароўя і экалёгіі. Пры гэтым за дзевяць гадоў існаваньня закону некалькі разоў узмацнялі яго жорсткасьць, пашырыўшы яго дзеяньне ня толькі на арганізацыі, але і на прыватных асоб. Парушальнікаў закону, якія працягваюць сваю дзейнасьць без спэцыяльных маркіровак, штрафуюць на сотні тысяч расейскіх рублёў.
