«Мы знаходзімся тут, каля барʼера, які абараняе Польшчу і Эўропу ад гібрыднай вайны, абвешчанай Беларусьсю і Расеяй, ад нелегальнай міграцыі. Гэта не міграцыя; гэта групы людзей, арганізаваныя Лукашэнкам і Пуціным і іх службамі, задача якіх — фізычна атакаваць польскія і эўрапейскія межы», — гаворыцца ў заяве.
Дональд Туск заявіў, што тэмай перамоваў быў «Усходні шчыт», які прызначаны для абароны Эўропы ад магчымай расейскай агрэсіі.
«Дастаткова саступак, мы павінны быць жорсткімі і добра падрыхтаванымі да гэтага», — падкрэсьліў ён.
Урзуля фон дэр Ляен запэўніла, што дзяржавы ЭЗ, якія маюць непасрэдную мяжу з Расеяй і Беларусьсю, атрымаюць дадатковае фінансаваньне. Яна дадала, што таксама прапануецца павялічыць фінансаваньне ваеннай мабільнасьці ў дзесяць разоў і больш чым у пяць разоў інвэстыцыі ў абарону.
Урзуля фон дэр Ляен з пятніцы наведвае краіны на ўсходнім флянгу ЭЗ і NATO. Яна ўжо наведала Латвію, Эстонію і Фінляндыю. Пасьля завяршэньня візыту ў Польшчу старшыня Эўрапейскай камісіі наведае Балгарыю, Літву і Румынію.
Форум