Пра гэта паведамляе «Белсат» са спасылкай на брата Натальлі Генадзя, які атрымаў ад яе паведамленьне. «Канфлікт улагоджаны», — напісала Натальля.
Палітзьняволеная Натальля Хершэ распачала галадоўку 30 студзеня з прычыны ўмоваў утрыманьня. Пра пачатак галадоўкі яна паведаміла свайму брату.
Умовы, якія створаны для Натальлі Хершэ ў турме, брат назваў катаваньнямі:
«Цяпер у камэры Натальлі з 6 раніцы і да 22 гадзіны, да адбою, на максымальную гучнасьць уключаюць беларускае радыё. Яна ўвесь час у камэры, апроч прагулкі на гадзіну, і для яе гэтае радыё невыноснае. Натальля прасіла яго сьцішыць ці выключыць, але не атрымала станоўчага адказу», — расказаў брат.
У канцы верасьня 2021 году Натальлю Хершэ перавялі ў мужчынскую турму ў Магілёве.
