12 лістапада 2021 году жыхар Пружанскага раёну патэлефанаваў на нумар «102» і сказаў: «Верым, можам, пераможам. Жыве Беларусь!». Гэта сілавікі расцанілі як «дробнае хуліганства» (арт. 19.1 КаАП). У выніку мужчыну асудзілі праз 2 месяцы на 10 дзён арышту.
Справу разглядаў суд Пружанскага раёну. У пастанове сказана, што жыхар раёна патэлефанаваў у Пружанскі РАУС на спэцыялізаваны нумар 102 «з хуліганскіх памкненьняў». Сваім учынкам ён нібыта «парушыў грамадзкі парадак і спакой грамадзян».
Інфармацыя аб гэтым працэсе зьявілася ў Банку судовых рашэньняў.
Свайго званка ў міліцыю мужчына на працэсе не адмаўляў. Тое, што «беспадстаўна з хуліганскіх меркаваньняў вымавіў некалькі слоў», прызнаў.
