Пра гэта 22 лістапада паведаміў кіраўнік МЗС Нямеччыны Гайка Маас у прамове на Венскай канфэрэнцыі, прысьвечанай Беларусі.
«ЭЗ дасьць беларускай грамадзянскай супольнасьці права голасу на саміце „Ўсходняга партнэрства“ ў сьнежні, арганізаваўшы дадатковае мерапрыемства»,— сказаў ён.
- «Усходняе партнэрства» — палітычны праект ЭЗ, накіраваны на збліжэньне Армэніі, Азэрбайджану, Беларусі, Грузіі, Малдовы і Ўкраіны з Эўрапейскім Зьвязам. Афіцыйны Менск улетку прыпыніў свой удзел у ім. У МЗС паведамлялі, што ўдзел краіны ў гэтым партнэрстве траціць сэнс на тле эўрапейскіх санкцыяў супраць Менску.
