Такім чынам, як адзначае Бі-бі-сі, краіны «дваццаткі» маюць намер дамагчыся, каб транснацыянальныя кампаніі плацілі больш падаткаў, а не ўхіляліся ад іх, дэкляруючы прыбытак у афшорах.
Чакаецца, што падатковае новаўвядзеньне, першапачаткова прапанаванае ЗША, уступіць у сілу да 2023 года. Кіраўнікі дзьвюх краін — Расіі і Кітая, Уладзімір Пуцін і Сі Цзіньпін удзельнічалі ў форуме па відэасувязі.
ВУП краін «Вялікай дваццаткі» складае каля 80 працэнтаў сусьветнага ВУП.
Міністар фінансаў ЗША Джанэт Елэн назвала падпісанае пагадненьне гістарычным для сусьветнай эканомікі. Амэрыканскія прадпрыемствы і радавыя работнікі ў цэлым выйграюць, нягледзячы на тое, што найбольш буйным амэрыканскім кампаніям давядзецца плаціць больш падаткаў, заявіла міністар фінансаў ЗША.
У панядзелак у Глазга адкрыецца міжнародная канфэрэнцыя па клімаце. Кіраўнікі дзяржаў, навукоўцы і актывісты абмяркуюць нацыянальныя і міжнародныя абавязацельствы па ўкараненьні энэргазьберагальных і «зялёных» тэхналёгій.