Мінздароўя зафіксавала новы рэкорд хворых на каранавірус за суткі за час пандэміі: 1979

Рэкорд трымаўся ад 13 сьнежня 2020 году, калі афіцыйна было зафіксавана 1975 выпадкаў заражэньня COVID-19 за суткі.

А напярэдадні Міністэрства аховы здароўя ўпершыню зарэгістравала за дзень 13 сьмерцяў ад COVID-19, гэта сутачны рэкорд за ўвесь час вядзеньня афіцыйнай статыстыкі. Да таго максымальным паказьнікам была лічба 12, як і сёньня.

ГЛЯДЗІЦЕ ТАКСАМА:

У Беларусі ўпершыню зарэгістравалі 13 сьмерцяў ад COVID-19

Ад пачатку пандэміі ў Беларусі:

• 512 460 пацыентаў трапілі ў статыстыку хворых на COVID-19
• 500 051 пацыент ачуняў
• 3978 пацыентаў памерлі.

Раней беларускія ўлады неаднаразова атрымлівалі крытыку за яўнае заніжэньне сапраўдных лічбаў захварэлых на COVID-19. Паводле ацэнак экспэртаў у галіне мэдыцыны, паказьнікі маглі заніжацца ад 5 да 7 разоў.

ГЛЯДЗІЦЕ ТАКСАМА:

Мінздароўя Беларусі забараніла двум прыватным мэдцэнтрам рабіць тэсты на каранавірус

14 верасьня Міністэрства аховы здароўя Беларусі заявіла аб прыходзе ў краіну чарговай, чацьвёртай па ліку, хвалі каранавірусу.