Лінкі ўнівэрсальнага доступу

 
СБУ сьцьвярджае, што «запрашала на апытаньне» толькі двух беларусаў празь незаконнае перасячэньне мяжы

СБУ сьцьвярджае, што «запрашала на апытаньне» толькі двух беларусаў празь незаконнае перасячэньне мяжы


Сядзіба СБУ
Сядзіба СБУ

Служба бясьпекі Ўкраіны ў межах апэрацыі «Мігрант», якая праводзіцца супольна з Нацыянальнай паліцыяй у рамках барацьбы зь незаконнай міграцыяй з 1 па 31 верасьня, выявіла двух грамадзян Беларусі, якія незаконна перасеклі мяжу.

«Гэтых асобаў запрасілі да адміністратыўнага будынку СБУ для іх апытаньня. Пасьля правядзеньня адпаведных праверак грамадзян Беларусі перадалі ў Дзяржаўную міграцыйную службу», — паведаміў Свабодзе кіраўнік упраўленьня СБУ па ўзаемадзеяньні са сродкамі масавай інфармацыі і грамадзкасьцю Арцём Дзехцярэнка.

Паводле яго, беларусаў выявілі 16 верасьня пры праверцы аднаго з кіеўскіх гостэлаў, дзе пражываюць 12 грамадзян Беларусі.

«Беларускі дом ва Ўкраіне» 16 верасьня паведаміў аб затрыманьні пяцярых беларусаў. Сярод іх валянтэрка Алена Жаркевіч, якая дапамагала легалізавацца ва Ўкраіне беларусам-уцекачам, Віталь Таргонскі і былы міліцыянт Ягор Емяльянаў, які адмовіўся зьбіваць пратэстоўцаў і звольніўся пасьля жнівеньскіх падзеяў.

Ігар Лосік Кацярына Андрэева Ірына Слаўнікава Марына Золатава
XS
SM
MD
LG