Пра гэта паведаміла прэс-служба Міністэрства антыманапольнага рэгуляваньня і гандлю Беларусі (МАРГ).
«У мэтах кампэнсацыі росту выдаткаў на сыравіну і матэрыяльныя рэсурсы камісіяй па пытаньнях дзяржаўнага рэгуляваньня цэнаўтварэньня пры Савеце міністраў Рэспублікі Беларусь узгодненае падвышэньне цэнаў на мяса і мясапрадукты, уключаныя ў пералік сацыяльна значных тавараў», — паведамілі ў міністэрстве.
Цяпер юрыдычныя асобы ўсіх формаў уласнасьці і ІП могуць павысіць цэны «ў памеры, якi не перавышае 4,9% адносна цэнаў на 28 лютага 2021 году».
«Абранае падвышэньне цэнаў можа быць зьдзейсьнена пазначанымі суб’ектамі да 23 верасьня 2021 году», — удакладнілі ў МАРГ.
Цэны на мяса ўжо падвышаліся з пачатку году.
- Бескасьцёвая сьвініна за 7 месяцаў прыбавіла ў цане 6,13% — у студзені кіляграм каштаваў 10,61 рубля, а ў ліпені ўжо 11,26 рубля.
- Ялавічына бяз косткі падаражэла на 4,38%. У студзені яна каштавала 14,85 рубля, а ў ліпені — 15,50 рубля.
- Мяса курыцы падаражэла на 9,5% — у студзені кіляграм каштаваў 4,42 рубля, у ліпені — 4,84 рубля.
У той жа час сваёй пастановай ад 1 верасьня №59 МАРГ падоўжыла дзяржаўнае рэгуляваньне цэнаў на наступныя сацыяльна значныя тавары:
- на рыбу сьвежую,
- субпрадукты мясныя,
- кансэрвы мясныя,
- каўбасу паўвэнджаную і варана-вэнджаную,
- маргарын,
- крупы ячныя,
- сьвежы часнык, перац, соль,
- чай, каву.
