Гэта будзе другая сустрэча прэм’ер-міністра Косава Альбіна Курці з прэзыдэнтам Сэрбіі Аляксандрам Вучычам — празь месяц пасьля першага раўнду безвыніковых перамоваў.
Косава, былая сэрбская правінцыя, абвясьціла незалежнасьць у 2008 г. пасьля канфлікту паміж паўстанцамі сэпаратысцкіх этнічных альбанцаў і сэрбскімі сіламі 1998–1999 гг. Вайна скончылася пасьля 78-дзённай паветранай кампаніі NATO, якая выцесьніла сэрбскія войскі з Косава і міратворцаў.
І Вашынгтон, і Брусэль заявілі, што для далейшай інтэграцыі гэтых краін у эўраатлянтычныя арганізацыі неабходная нармалізацыя.
Сэрбія і Косава імкнуцца ўступіць у ЭЗ, а Косава таксама хоча ўступіць у NATO.
Незалежнасьць Косава прызналі больш за 100 краін, у тым ліку ЗША і 22 з 27 дзяржаў-чальцоў ЭЗ. Аднак Сэрбія па-ранейшаму лічыць тэрыторыю Косава сваёй паўднёвай правінцыяй і карыстаецца падтрымкай Расеі і Кітаю.
