«Найбольш высокую пазыцыю сярод дзяржаў-чальцоў паводле індэксу эканамічнай трансфармацыі займае Армэнія (43-е месца), далей — Расея (50-е месца), Казахстан (54-е месца), Кіргізстан (66-е месца), Беларусь (74-е месца)», — гаворыцца ў паведамленьні Эўразійскай эканамічнай камісіі.
У параўнаньні з папярэднім рэйтынгам найбольш значны прагрэс у эканамічных і гуманітарных рэформах прадэманстраваў Казахстан — адразу плюс 10 пазыцый у рэйтынгу.
Індэкс трансфармацыі Бэртэльсмана ацэньвае эфэктыўнасьць краін зь пераходнай эканомікай у справе фармаваньня дэмакратычных інстытутаў і рынкавых адносінаў.
Рэйтынг публікуецца раз на два гады, у справаздачны пэрыяд ацэньваліся 137 дзяржаў сьвету, падзеленыя на сем рэгіёнаў.