«Гэтае пагадненьне прапануецца спыніць у сувязі з артыкулам 18 Закону Ўкраіны „Аб міжнародных дамовах Украіны“, які прадугледжвае такую магчымасьць, калі рэалізацыя дамовы можа нанесьці шкоду нацыянальным інтарэсам Украіны ў адпаведнасьці зь міжнародным правам», — сказаў Мокан.
Паводле яго, Міністэрству замежных спраў Украіны даручана паведаміць расейскаму ўраду аб скасаваньні пагадненьня.
У тлумачальнай запісцы да праекту рашэньня гаворыцца, што пагадненьне спыняецца «ў сувязі са збройнай агрэсіяй Расейскай Фэдэрацыі супраць Украіны».
«Фактычнае супрацоўніцтва ў гэтай галіне з краінай-агрэсарам спынена, і пэрспэктываў такога супрацоўніцтва ў будучыні няма», — сказана ў дакумэнце.
Пасьля акупацыі Крыму і збройнай агрэсіі на Данбасе Кіеў паступова выходзіць з дамоваў і пагадненьняў з Расеяй, якая прызнаная ва Ўкраіне краінай-агрэсарам.