Кіраўнік Нацыянальнага антыкрызіснага кіраўніцтва Павал Латушка ў жывым эфіры Радыё Свабода паведаміў, што, паводле інфармацыі НАК, Нацыянальны банк Беларусі правёў таемную грашовую эмісію.
«Пустыя незабясьпечаныя сродкі выкінутыя на грашовы рынак Беларусі, а золатавалютныя рэзэрвы знаходзяцца на мінімальным узроўні, і ўлады фактычна ня ў стане пакрываць запазычанасьць Беларусі», — сказаў Латушка.
Латушка дадаў, што НАУ прапануе пачаць новую кампанію эканамічнага ціску, заклікаючы беларуса зрабіць тры крокі:
- Пайсьці да банкаматаў і зьняць з рахункаў беларускія рублі
- Перавесьці беларускія рублі ў валюту
- Зьняць дэпазыты ў банках — як у беларускіх рублях, гэтак і ў валюце
Паводле Латушкі, гэта будзе моцны крок, каб пазбавіць рэжым сродкаў для фінансаваньня сілавога апарату.
