Пра гэта паведамляецца на сайце Міністэрства абароны Азэрбайджану.
Гэта апошні з трох раёнаў, які пераходзіць пад кантроль Баку паводле трохбаковага пагадненьня аб спыненьні агню ў самаабвешчанай Нагорна-Карабаскай рэспубліцы.
На старонцы ў YouTube Міністэрства абароны Азэрбайджану апублікавала відэа, на якім відаць, як вайскоўцы заяжджаюць у рэгіён.
Такім чынам, пад кантроль Азэрбайджану перайшлі ўсе раёны па пэрымэтры Нагорнага Карабаху, які былі пад кантролем армянскіх сіл з пачатку 1990-х, акрамя пяцікілямэтровага так званага Лачынскага калідора, які злучае Карабах з Армэніяй.
