Мэдыкі дыягнаставалі каранавірус у сябра прэзыдыюму Каардынацыйнай рады Паўла Латушкі. Пра гэта ён паведаміў у сваім тэлеграм-канале.
«На жаль, у мяне дыягнаставаны каранавірус. У цэлым адчуваю сябе добра, тэмпэратуры ня маю. Знаходжуся на самаізаляцыі, але працягваю працаваць, бо перакананы: для нас зараз вельмі важным iсьцi да перамогi. Беражыце сябе, мае шаноўныя!», — напісаў Павал Латушка, які цяпер знаходзіцца ў Варшаве.
У пачатку верасьня Павал Латушка пакінуў Беларусь, патлумачыўшы гэта небясьпекай зьняволеньня. Раней за мяжу выехала ягоная сям'я.
На гэты момант усе чальцы прэзыдыюму Каардынацыйнай рады або ў турме, або пад хатнім арыштам, або ў вымушанай эміграцыі.
