Некалькі гадзін таму зь дзьвярэй жодзінскага ізалятара часовага ўтрыманьня выйшаў Піліп Заранкін — сын старшыні Віцебскага гарадзкога выканаўчага камітэту Вадзіма Заранкіна.
Хлопец адседзеў 13 сутак за ўдзел у антылукашэнкаўскай дэманстрацыі. Гэтую інфармацыю Піліп Заранкін пацьвердзіў для «Нашай нівы».
Экс-старшыню Камітэту дзяржаўнага кантролю Віцебскай вобласьці Вадзіма Заранкіна Аляксандар Лукашэнка прызначыў на пасаду старшыні Віцебскага гарвыканкаму 30 студзеня 2020 году.
