Прэм’ер-міністар Славеніі Янэз Янша заклікаў правесьці новыя прэзыдэнцкія выбары ў Беларусі ў прысутнасьці міжнародных назіральнікаў.
Палітык заявіў пра гэта 13 жніўня падчас прэс-канфэрэнцыі пра вынікі перамоваў зь дзяржаўным сакратаром ЗША Майкам Пампэо
«Я лічу магчымым адно мірнае рашэньне бягучага крызісу ў Беларусі: неабходна правесьці новыя выбары пры сур’ёзнай прысутнасьці міжнародных назіральнікаў», — сказаў Янша.
