969 чалавек захварэлі за суткі, агулам 29 650 станоўчых тэстаў на каранавірус, — афіцыйная статыстыка

17 травень 2020, 13:51

Міністэрства аховы здароўя Беларусі агучыла статыстыку па хворых на каранавірус на 18 траўня. Агулам захварэлі 29 650 чалавек, плюс 969 новых выпадкаў за суткі.

Каранавірус у Беларусі і ў сьвеце. Як разьвіваюцца падзеі >>

У афіцыйным тэлеграм-канале міністэрства аховы здароўя зьявілася статыстыка па хворых на каранавірус за 18 траўня. За суткі захварэлі 969 чалавек, усяго праведзена 350 515 тэстаў.

Агулам за ўвесь час пандэміі ў Беларусі ад COVID-19 памерлі 165 чалавек, плюс 5 чалавек за суткі.

Што трэба ведаць пра новы каранавірус, які выклікае COVID-19

Невядомы раней вірус выявілі ў кітайскім горадзе Ўхань у сьнежні 2019 году.
Афіцыйнай назвай хваробы ад новага каранавірусу з Кітаю стала COVID-19 (coronavirus disease).
Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.