У заяве Зьвязу эўрапейскіх футбольных асацыяцый гаворыцца, што яны пераносяцца на пакуль нявызначаны час. 4 чэрвеня зборная Беларусі мелася гуляць у Тбілісі са зборнай Грузіі ў паўфінале адборачнага турніру да чэмпіянату Эўропы.
Раней усе эўрапейскія футбольныя лігі, акрамя беларускай, прыпынілі гульні ў сувязі з эпідэміяй каранавірусу. Таксама прыпыненыя матчы Лігі чэмпіёнаў і Лігі Эўропы. Фінальную частку чэмпіянату Эўропы па футболе перанесьлі на 2021 год.
