Самалёт Boeing 787-9 аўстралійскай авіякампаніі Qantas зьдзейсьніў самы доўгі беспасадачны авіярэйс у гісторыі. Палёт з Нью-Ёрку ў Сідней доўжыўся 19 гадзінаў 14 хвілінаў. Адлегласьць паміж гарадамі складае больш за 16 тысяч кілямэтраў.
Рэйс кампаніі Qantas быў зьдзейсьнены з максымальным запасам паліва, некалькімі пасажырамі, абмежаваным багажом і бяз грузу. Мэта палягала ў тым, каб сабраць дадзеныя з дапамогай каманды дасьледчыкаў аб стане пасажыраў і экіпажа.
Аўстралійцы маюць намер таксама запусьціць наўпроставы рэйс у Лёндан.
Папярэдні рэкорд належаў рэйсу авіякампаніі Singapore Airlines — з Ньюарку ў Сынгапур. Самалёт ляцеў 18 гадзін 50 хвілін, пераадолеўшы адлегласьць каля 15,5 тысяч кілямэтраў.
