У далёкім 1993 годзе сваю кнігу «Проза радасьці» Леанід Дранько-Майсюк мне падпісаў такімі словамі: «І я, і Сыс, і Барадулін — паэты, але бард — Акулін…». Памятаючы гэта, сваю новую кнігу вершаў «Крыло анёла» я падпісаў Леаніду так: «Паэзія — гэта шчасьлівая карта… Лявону — паэту, ад Едруся — барда…». Ня ведаю, ці захавалася ў Леаніда гэтая мая кніга, бо ягоную «Прозу радасьці» ў мяне нехта скраў… Праўда, кажуць, што крадзеная радасьць шчасьця не прыносіць… І ўсё ж. Вярніце Радасьць!
Эдуард Акулін
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org
