Былы прэмʼер-міністар Францыі мае намер балятавацца на пасаду мэра Барсэлёны. Мануэль Вальс заявіў, што будзе незалежным кандыдатам. Аднак яго ўжо гатовая падтрымаць лібэральная партыя «Грамадзяне», якая выступае супраць аддзяленьня Каталёніі ад Гішпаніі.
Выбары мэра Барсэлёны пройдуць у наступным годзе. Каб удзельнічаць у іх, Вальс паабяцаў на наступным тыдні пакінуць пасаду дэпутата Нацыянальнага сходу Францыі. Пра гэта паведамляе France-Presse.
Вальсу 56 гадоў. Ён нарадзіўся ў Барсэлёне, але яшчэ ў дзяцінстве яго сямʼя пераехала ў Францыю. У 2012 годзе Вальс быў прызначаны міністрам унутраных спраў краіны, а ў 2014 стаў кіраўніком урада Францыі.
У цяперашні час пасаду мэра Барсэлёны займае Ада Кола. Лідэр руху за аддзяленьне Каталёніі ад Гішпаніі Карлес Пудждэмон у адказ на плянах Вальса ўдзельнічаць у выбарах кіраўніка сталіцы рэгіёну заявіў, што францускі палітык ня ведае Барсэлёну і невядомы яе жыхарам.
