Урачыстая падзея адбылася 23 жніўня — у агульнаэўрапейскі Дзень памяці ахвяраў таталітарных рэжымаў.
Пра гэта паведамляе эстонскае агенцтва ERR.
Мэмарыяльны комплекс складаецца з некалькіх частак. Адна зь іх — пліты, на якія нанесеныя імёны 22 тысяч эстонцаў, якія лічацца загіблымі па віне савецкай улады. Іншая — помнік эстонскім афiцэрам, якіх улады краіны ўшаноўваюць як ахвяраў камуністычных рэпрэсіяў.
На адкрыцьцё былі запрошаныя больш за 500 рэпрэсаваных камуністычным рэжымам і іх блізкіх. У мерапрыемстве бралі ўдзел прадстаўнікі вышэйшага кіраўніцтва краіны.
Ушанаваныя і не ўшанаваныя Курапаты ў 15 постсавецкіх краінахПраца па стварэньні помніку пачалася ў сьнежні мінулага году. У студзені 2018 году эстонскія ўлады дапусьцілі, што разьмешчаны непадалёк мэмарыял савецкім маракам можа быць зьнесены з-за дрэннага стану.
Напярэдадні эстонскія і латвійскія ўлады заявілі пра тое, што яны маюць намер дамагацца ад Расеі кампэнсацыі шкоды за савецкую акупацыю. У Маскве адмовіліся абмяркоўваць гэтую тэму з Рыгай і Талінам.
